Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nisma e kryetarit të Kuvendit, Kadri Veseli për themelimin e Tribunalit Ndërkombëtar për krimet serbe në Kosovë, po shihet si hap i vonuar, por i domosdoshëm. Edhe pse e vonuar, kjo nismë po përkrahet nga veteranët e UÇK-së. Nënkryetari i OVL UÇK-së, Nasim Haradinaj, dyshon në sinqeritetin e deputetëve për krijimin e një tribunali të tillë. Thotë se e përkrahin nismën por e quan “farsë” dhe iniciativë fallso. Ai thotë se rezoluta që po pritet të votohet nuk garanton themelimin e Tribunalit, duke shtuar se nëse nuk bëhet ligj, do të mbetet vetëm rezolutë në letër. Haradinaj shprehet se deputetët që e kanë votuar Gjykatën Speciale e kanë detyrim dhe shansin që të “përmirësojnë” gabimin e bërë. Nënkryetari OVL të UÇK-së thotë se asnjëherë nuk kanë qenë kundër zbulimit të të gjitha krimeve që kanë ndodhur gjatë luftës, dhe se janë të gatshëm të ndihmojnë në zbulimin e krimeve, por jo në mënyrë selektive. Haradinaj thekson se Gjykata Speciale e ka dëmtuar shumë Kosovën dhe tanimë edhe institucionet e kanë kuptuar një gabim të tillë.
