leoni

Ministri Shala: Inkubatori i Bizneseve dhe Parku Ekonomik, dy mundësi të mira për Malishevën

28/05/2019 Institucionet

Në Malishevë, ka qëndruar Ministri i Ministrisë për Tregti dhe Industri, Endrit Shala, i cili është pritur nga Kryetari i Komunës së Malishevës, Ragip Begaj. Kjo vizitë, me karakter pune, është realizuar me qëllim të inaugurimit të punimeve në ndërtimin e Inkubatorit të Bizneseve në Malishevë, projekt që është duke e realizuar Ministria për Tregti dhe Industri. Në këtë vizitë, bashkë me ministrin Shala, ishte edhe zëvendësministrja e MTI-së, Arbëreshë Krasniqi, zëvendësministri i Ministrisë së Bujqësisë, Vesel Krasniqi, kurse në takim, bashkë me kabinetin qeveritar të Malishevës, ishin edhe deputetët e Kuvendit të Kosovës, Enver Hoti dhe Haxhi Shala, të cilët kanë biseduar për dy projektet me rëndësi në Komunën e Malishevës, atë të Parkut Ekonomik për Bizneset nga Diaspora dhe Inkubatorit të Bizneseve. Në takimin e mbajtur në zyrën e kryetarit të komunës, si dhe më pas, me rastin e përurimit të punimeve në Inkubatorin e Bizneseve, ministri i MTI-s-, Endrit Shala, ka thënë se Parku Ekonomik dhe Inkubatori, janë mundësi të mira për Malishevën, pasi pritet të ketë investime dhe hapje të bizneseve të reja, e krahas kësaj edhe rritje të punësimeve. “Ne si ministri kemi nënshkruar marrëveshje bashkëpunimi me Ministrinë e Diasporës dhe Unionin e Bizneseve Shqiptaro-Gjermane, për “Parkun Ekonomik për Bizneset nga Diaspora në Malishevë”, dhe jemi duke ndërtuar edhe Inkubatorin e Bizneseve, dhe këtu tani ju si komunë e keni këtë përparësi, pasi parku ekonomik, është në qendër të Kosovës dhe kyçet në autostradë, e po ashtu edhe në inkubator, krahas hapjes së bizneseve të reja, do të punësohen edhe një numër i konsiderueshëm i punëtorëve”, ka thënë ministri Shala. Ai ka thënë gjithashtu, se shumë shpejt do të fillohet edhe ndërtimi i infrastrukturës në Parkun Ekonomik. Nga ana tjetër, Kryetari i Komunës së Malishevës, Ragip Begaj, ka thënë “se ndërtimi i parkut ekonomik është një e mirë për Malishevën, pasi ka ndikim të drejtpërdrejtë në zhvillimin ekonomik, e gjithashtu edhe inkubatori i bizneseve, e ka rolin e saj, dhe të dy këto janë investime të Ministrisë për Tregti dhe Industri, andaj në emër të Komunës së Malishevës, ju falënderoj për këto investime me vlerë të madhe për Malishevën”.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara