SHFMU “Ibrahim Mazreku” në Malishevë, shënoi dy përvjetor

01/06/2019 Institucionet

SHFMU- “ Ibrahim Mazreku” në Malishevë, shënoi dy përvjetor, 20 Vjetorin e rënies së dëshmorit të kombit “Ibrahim Mazreku” dhe  Ditën e shkollës, të pranishëm ishin përfaqësues nga Institucionet lokale e qendrore të Republikës së Kosovës. Për  historikun e shkollës dhe për dëshmorin Ibrahim Mazreku, foli drejtori i shkollës, Januz Mazreku, i cili paraqiti edhe të arriturat e kësaj shkolle në procesin e rregullt edukativo- mësimor si dhe në garat dhe aktivitetet e ndryshme, në nivel komune, republike dhe jashtë vendit. Në fjalën e tij Kryetari i Komunës së Malishevës Ragip Begaj, ndër të tjera theksoi.”Sot për, familjen, bashkëluftëtarët e Ibrahimit, kolektivin e shkollës, nxënësit dhe qytetarët malishevas, është një ditë e veçantë, në 20 vjetorin e rënies së dëshmorit Ibrahim Mazreku, sepse sa herë binin dëshmorët në fushëbeteja për çlirimin e Kosovës, Ushtria Çlirimtare e Kosovës, fuqizohej dhe merrte aksione kundër ushtrisë serbe dhe paramilitarëve serb, me objektivin që gjakun e dëshmorëve dhe amanetin e tyre ta bëjnë realitet sa më parë, pra çlirimin e Kosovës. Në vazhdim  të fjalës uroi,  që mësimdhënësit të punojnë edhe më shumë, pasi kushtet i kanë shumë të mira e nxënësit të lexojnë për veprimtarinë e dëshmorëve që ua sollën Lirinë, se vetëm me punë, Kosova shkon drejt Evropës”, përfundoi Begaj. Sot, lajmin më meritorë, për familjen e dëshmorit Ibrahim Mazreku, e kumtoi, Kryetari i SHDL-së së UÇK-së dega në Malishevë, Metush Kryeziu, ku tha.  “Që nga sot dëshmori Ibrahim Mazreku, është shpallur hero i Kosovës nga Presidenti i Republikës së Kosovës, Hashim Thaqi, që neve bashkëluftëtarëve, familjen dhe qytetarët malishevas i bënë të ndihen krenar dhe obligues për vendin e vet të punojnë, ashtu si e deshën dëshmorët”. Në fund, nxënësit e shkollës shfaqën një program kulturo- artistik, ku dominonte tematike e poezive dhe këngëve patriotike për dëshmorët dhe luftën e Ushtrisë Çlirimtare të Kosovës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara