leoni

Edhe 5 familjeve tjera në komunën e Skenderajt do t’u ndërtohen shtëpitë e reja

03/06/2019 Institucionet

Kryetari i Komunës së Skenderajt, Bekim Jashari së bashku me humanistin Halil Kastratin nga Shoqata “Jetimat e Ballkanit” si dhe drejtorin për Gjeodezi, Kadastër dhe Pronë, Ramiz Shala, si anëtar i komisionit komunal për përzgjedhjen e familjeve, kanë vizituar 5 familjet në komunën e Skenderajt, të cilat jetojnë në kushte tejet të vështira, për t’ua kumtuar lajmin për fillimin e ndërtimit të shtëpive të reja. Kryetari Jashari, pas vizitave tek secila familje, ka thënë se ato jetojnë në kushte shumë të vështira të banimit dhe është tepër e rëndë për t’u ballafaquar me atë çfarë kanë parë tek ato familje. Megjithatë, dërguan lajme të mira tek Selman Azemi nga Açareva, Hatiqe Hoti nga Turiqeci, Halim Smakaj nga Kllodernica, Skender Kajtazi nga Vitaku dhe i riu Shkelzen Xheloshi nga Qubreli, që për rastësi me lajmin e mirë, datëlindja e tij e 11-të, po shënohet me lajmin për fillimin e ndërtimit të shtëpisë së re edhe për familjen e tij. Përzgjedhjen e familjeve përfituese e ka bërë komisioni i Komunës, i cili më shumë se një muaj, ka kryer vizita tek ato, për të bërë vlerësimin e duhur, ndërsa financimi i këtij projekti bëhet nga buxheti i Komunës së Skenderajt dhe Shoqata “Jetimat e Ballkanit”. Përveç këtyre 5 shtëpive, janë edhe 20 të tjera që do të ndërtohen, në bazë të marrëveshjes që ka Komuna e Skenderajt me shoqatën në fjalë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara