Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në urimin e Partisë FJALA për Fitër Bajramin thuhet: Kemi kënaqësinë të ju urojmë festën e Fitër Bajramit, festë kjo që na bashkon, gëzon dhe tregon se në përfunduam me sukses Muajin e Bekuar të Ramazanit dhe arritëm të i përgjigjemi obligimit madhor të ZOTIT të Madhëruar duke agjëruar dhe duke dëshmuar dëgjueshmërinë dhe respektin për obligimet tona fetare. Lutemi që ZOTI i Lartë madhëruar të ju shpërblej dhe të ju bekoj për gjitha obligimet dhe adhurimet e kryera gjatë Muajit të Bekuar të Ramazanit. Në këto ditë feste të Fitër Bajramit, nuk duhet të i harrojmë jetimët, të varfrit, invalidët si dhe mbarë familjet e atyre që flijuan vetën për mirëqenien tonë shpirtërore dhe fizike që në këtë festë të ndihemi krenar për gjakun e derdhur të më të dashurve të tyre, që solli lirinë dhe pavarësinë e Kosovës. Mos të gëzohemi vetëm për vete, por të i gëzojmë edhe ata, të ju ndihmojmë dhe të jemi pranë tyre në çdo aspekt. Lutemi dhe urojmë që në vendin tonë të sundoj drejtësia, paqja, toleranca, bashkëjetesa, respekti dhe solidariteti me të gjithë qytetarët.
Për dallim nga herët e tjera dhe për dallim nga urimet për festat fetare të krishtera, partitë politike shqiptare të Kosovës nuk u kanë uruar këtë festë fetare besimtarëve islamë, ndoshta edhe për faktin se kanë qenë të zënë me këshilltarët e krerëve më të lartë të Francës dhe Gjermanisë. As krerët e lartë të Shtetit që kanë shtuar iftare për krerët fetarë të vendit, gjatë muajit të agjërimit nuk e kanë parë të arsyeshme të urojnë besimtarët islamë, apo ndoshta e kanë lënë për nesër. Në fund pak para postimit të këtij lajmi, kryetari i Kosovës, Hashim Thaçi postoi një urim për Bajram.
