Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Ratkoc të Rahovecit është kujtuar në 21-vjetorin e rënies, heroi i Kosovës, Naser Krasniqi. Kryetari i Rajovecit, Smajl Latifi, ka deklaruar se Krasniqi ishte trim dhe zemërzjarr për Kosovën duke i shërbyer besnikërisht deri në frymën e fundit luftës çlirimtare. “Gjithnjë do të të kujtojmë si një luftëtar i pashoq që s’të mposhtën dallgët e jetës dhe që për lirinë e atdheut tonë, sakrifikove jetën tënde. Ti shok i shtrenjtë Naser, fitove përjetësinë në histori dhe në kujtesën e brezave. Padyshim, liria e Kosovës mban vulën e gjakut dhe sakrificave të luftëtarëve tanë trima”, deklaroi ai. Kreu i Rahovecit ka thënë se të gjithë bashkë, kudo që jemi e kemi detyrim të punojmë çdo ditë për ta jetësuar idealin e dëshmorëve të kombit.
