leoni

Ambasadori i Maqedonisë Veriore, Rexhep Saliu, vizitoi Malishevën

06/06/2019 Institucionet

Ambasadori i Republikës së Maqedonisë Veriore në Kosovë, Rexhep Saliu, i shoqëruar edhe nga zëvendësministri i Ministrisë së Punëve të Jashtme të Republikës së Kosovës, Çerkin Dukolli, kanë vizituar Komunën e Malishevës, ku janë pritur nga kryetari i Komunës së Malishevës, Ragip Begaj, nënkryetari Hajdin Berisha dhe shefja e kabinetit të kryetarit Blerta Krasniqi. Vizita ishte me karakter pune dhe njohje, në mes të ambasadorit dhe kryetarit Begaj. Ambasadori i Maqedonisë Veriore, Saliu, fillimisht shprehi kënaqësinë e tij për vizitën dhe pritjen në Malishevë, ndërsa gjatë bisedës me kryetarin Begaj, ambasadori Saliu, ka folur për rëndësinë e thellimit të bashkëpunimit në mes të dy vendeve, sidomos në nivelin komunal, me qëllim të rritjes së komunikimit dhe të marrëdhënieve në fushat e kulturës dhe të ekonomisë. Kryetari i Komunës së Malishevës, Ragip Begaj, e ka falënderuar ambasadorin Sliu, për vizitën në Malishevë, vizitë e cila ka rëndësi të madhe për komunën, sepse krijimi i lidhjeve të përbashkëta, në mes të Komunës së Malishevës, me komunat në Maqedoninë Veriore, është me interes të përbashkët. Kryetari Begaj, paraqiti nevojën e krijimit të lidhjeve më të fuqishme mes komunave në të dy vendet. Këtë nevojë të krijimit të lidhjeve në mes të komunave, edhe ambasadori Saliu e mbështeti dhe ofroi gatishmërinë e ambasadës dhe gatishmërinë e tij personale, që me hapa konkret të realizohen këto raporte të bashkëpunimit të Komunës së Malishevës me komunat në Maqedoninë Veriore.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara