Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Askush nga kontinenti i vjetër apo i ri, nuk na vendos asnjë kusht që të mos jemi shqiptarë, apo të mos duam vendin tonë. Kush shet vendin dhe historinë e vet nuk është shqiptarë dhe nuk bëhet kurrë europian.
Braktisja totale e vendlindjes është rezultat i zaptimit të kapitalit i të gjithë sektorëve strategjik me telenovelat; fshirja e kujtesës së historisë dhe të kulturës, është përjetim i ëmbël që ligjëron format e reja moderne të skllavërimit. Kjo është strategjia e re e pushtimit. Kjo është strategjia e re koloniale që miratohet në heshtje nga “kaçakët e politikës. Robërimi ynë fillohet nga librat, nga telenovelat, që fshijnë kujtesën historike, pastaj punon “paraja”, shërbimet sekrete, partitë politike, ideologjizmat famëkeqe, akademitë dhe pastaj vjen robërimi i vullnetshëm “demokratik” i vendit tim. Duhet vigjilencë e madhe në këto kohëra të vështira…
Prandaj, duhet të marrim dijen për të zbuluar të vërtetën, të pyesim zemrat tona për të gjetur të drejtën, të prekim plagët për të njohur dhimbjen, të pyesim nënat për të na mësuar dashurinë, të duam veten, kombin që t’na duan të tjerët,të njohim ligjet për të kërkuar dhe fituar lirinë e humbur, të lexojmë e mësojmë heronjtë për të shkruar historinë tonë,të njohim luftërat për të siguruar paqen, të bëjmë shtetin për t’na mbrojtur nderin, kulturën historinë dhe dinjitetin kombëtar, t’i kthehemi punës të ndërtojmë Shqipërinë, të nderojmë “Kastriotët” për të ruajtur lavdinë tonë.
Shtetarët e këtij vendi t’a dinë mirë dhe nëse nuk e dinë se heronjtë e dëshmorët e këtij kombi kanë veshë e dëgjojnë, kanë sy e shikojnë, kanë shpirt engjëlli, dhe e duan vendlindjen për të cilën ranë, duan historinë që e shkruan me gjakun e kuq. Vepra e tyre është historia e vërtetë, ideali i tyre është, ideali i njerëzve të ndershëm e shumë patriot, zemra e tyre nuk rren por do e dashuron vendin e vet,është amanet për ne sot e për mot!
E dashur rini e këtij vendi të lavdishëm, që do udhëtoni së bashku me shekullin, kokën e shikimin përpara, kujtesën historike prapa, që të siguroni kulturë, histori dhe dije të vërteta, për të përballuar këtë maskaradë politike sa hipokrite aq dhe tradhtare.
Shkëputja juaj nga historia etnike, largimi nga vendlindja, është dhimbja, që plagos heronjtë e vërtetë e çdo shpirt shqiptari.
Nuk është moralizim kjo që citova,por kuptoni thellë e shumë thellë segmente hipokrite, tradhtare e korruptive, në jetën tuaj, kuptoni rrafshet e betejave që udhëhiqen nga dinasti hipokrite të zhytur në thesin e parasë, dhe në ombrellën e shtetit tim. Kalemxhi të shitur, injorantë të “diplomuar”, shtetarë të korruptuar, që shesin Atdheun, historinë, kulturën, për të ruajtur sundimin famëkeq të një populli në vuajte e varfëri, dhe që ka etje e shpresë për të ecur përpara e për të arritur kohën e humbur, nga parapolitika e shfrenuar jo për zhvillim por për pasuri për veten dhe vetëm për vëte. Ata shesin çdo gjë vetëm për të ruajtur sundimin e tyre!?
