Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Komunës së Vitisë, Sokol Haliti, ka pritur të mërkurën në zyrën e tij komandantin e KFOR-it, kolonel Nicola Perrone. Haliti ka falënderuar kolonelin Perrone për bashkëpunimin e ndërsjellët që ka KFOR-i dhe angazhimin e madh në garantimin e sigurisë për qytetarët e komunës së Vitisë. Kryetari Haliti e ka njoftuar mysafirin për projektet e komunës të cilat ka planifikuar për t’i realizuar gjatë këtij viti, e që janë ne interes të përgjithshëm për qytetarët e komunës së Vitisë . Nga ana tjetër, komandanti i ri i KFOR-it, kolonel Nicola Perrone, ka falënderuar kryetarin Haliti për takimin dhe ka potencuar se misioni i KFOR-it në Kosovë është për ruajtjen e sigurisë së qytetarëve, njëkohësisht një bashkëpunim me të gjitha institucionet e vendit, duke përfshirë komunat, organet e sigurisë, Policinë e Kosovës, FSK-në dhe gjitha institucionet tjera në vend. Në fund, kryetari Sokol Haliti, ka nderuar kolonelin me një plaketë në shenjë mirënjohje për gjithë bashkëpunimin me komunën e Vitisë.
