Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Punës dhe Mirëqenies Sociale, Skender Reçica, ka thënë se populli i Kosovës ka përjetuar një luftë të padrejtë, luftë e cila nuk ka kursyer askënd nga të bëmat çnjerëzore, veçanërisht ndaj civilëve të pafajshëm.
Reçica ka thënë se kategoria që më së shumti e ka vuajtur plagën e luftës së fundit në Kosovë janë viktimat e dhunës seksuale, të cilat edhe pas kaq vite përfundimi të luftës, janë në kërkim të drejtësisë.
“Në ditën ndërkombëtare për eliminimin e dhunës seksuale në konflikt, theksojmë edhe njëherë rëndësinë dhe përkushtimin tonë si institucione dhe shoqëri që kjo kategori të trajtohet dinjitetshëm, të mos vazhdojë të margjinalizohet edhe më tej dhe kryesit e krimeve të vihen para drejtësisë”, ka shkruar Reçica në llogarinë e vet në “Facebook”.
