Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Komunës së Vitisë, Sokol Haliti ishte pjesë e panelit në forumin “EverGreen Kosovo”, në të cilën është diskutuar mbi sfidat mjedisore dhe praktikat më të mira për zgjidhjen e tyre. Me këtë rast Kryetari Haliti duke folur mbi angazhimin e Komunës së Vitisë, në fushën e mjedisit potencoi se problemet mjedisore nuk njohin kufij administrativ por se janë problem global që duhet zgjidhur bashkërisht.
Ai shtoj se kjo komunë pos që është angazhuar në pastrimin e ambientit të ndotur ajo ka shndërruar hapësirat prej deponive ilegale në parqe. Megjithatë ai tha se Komuna e Vitisë për një periudhë të shkurtër gjatë këtij viti në bashkëpunim me 1765 vullnetarët ka larguar 1643 thasë mbeturina si dhe 17 deponi ilegale. Kryetari Haliti shtoj se mbrojtja e ambientit është prioritet për këtë komunë dhe për këtë në bashkëpunim me Organizatën Le’ts do it Kosova po punojnë edhe në vetëdijesimin e nxënësve në fushën e mjedisit.
