Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas mbylljes së zgjedhjeve vendore, kryetari i Partisë Socialiste, Edi Rama, deklaroi se ishte një fitore e paqes dhe e së ardhmes. Sot ishte 30 qershori i një Shqipërie që për shumë muaj përjetoi dramën e një përçarje të rëndë politike të frymëzuar, të nxitur dhe organizuar për të ndaluar ecjen tonë përpara në rrugën e normalitetit shoqëror, bashkëjetesës demokratike dhe integrimit të popullit shqiptar në familjen e popullit të Europës. Sot ishte dita e zgjedhjeve vendore të radhës e cila u kthye në muaj pas muaji në ditën kulmore të një përplasje historike mes së shkuarës dhe së ardhmes, mes qytetarisë dhe harbutërisë, mes politikës së forcës dhe forcës së politikës, mes dhunës kërcënuese të së djeshmes dhe shpresës së natyrshme të së nesërmes, mes Shqipërisë së djeshme mes fantazmave dhe Shqipërisë që duam për të gjithë fëmijët. Sot fitoi e ardhmja, fitoi shteti, forca e politikës, qytetaria, fitoi shpresa. Fitoi me të drejtë e dinjitet Shqipëria e të ardhmes evropiane. Humbi Shqipëria e djeshme pa din e pa iman”. Sot fitoi e ardhmja, shpresa, qytetaria. Fitoi me të drejtë Shqipëria e nesërme europiane e fëmijëve tanë. Ishte një fitore e vështirë, mbase më e vështira.” Faleminderit qeverisë së Shteteve të Bashkuara dhe përfaqësuesve të saj në Tiranë, faleminderit BE dhe delegacionit të BE në Shqipëri, faleminderit misionit të OSBE dhe çdokujt tjetër nga përfaqësuesit e nderuar të botës demokratike që dhanë një dorë në këtë betejë, tha kryeministri, Edi Rama.
