Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Vetëvendosjes, Albin Kurti, ka komentuar letrën e kryetarit, Hashim Thaçi dërguar presidentit amerikan Donald Trump, ku ndër tjerash, thotë se “është i përkushtuar të arrihet marrëveshje paqësore me Serbinë”. Kurti beson se Trumpi s’i ka kthyer asnjë përgjigje. Sot janë bërë gjashtë muaj kur Thaçi i kishte shkruar Trumpit e ku po ashtu ishte zotuar për marrëveshje me Serbinë. Si na paska qenë afër marrëveshja që zgjidh të gjitha çështjet e hapura në mes Kosovës e Serbisë?! Pse nuk ka asnjë raport zyrtar nga presidenti as për institucionet dhe as për qytetarët e Kosovës mbi përmbajtjen e pozicioneve aq shumë të afruara me Serbinë? Çka qenka kjo gati-marrëveshje që i zgjidh të gjitha çështjet e hapura për dallim nga 33 marrëveshjet e dialogut paraprak gjashtëvjeçar? Pazar sekret, sigurisht. Mirëpo, edhe projekt i dështuar, gjithsesi. Nga protesta më e madhe e Kosovës së pasluftës mbajtur më 29 shtator 2018 e deri te vendimi i Gjykatës Kushtetuese që diskreditoi qeverinë, kryetarin dhe ekipin e tyre rezervë për dialog, të gjithë akrobatët e morën përgjigjen e merituar”, ka përfunduar Albin Kurti.
