Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Ministri të Mbrojtjes u mbajt konferenca “Lansimi i Planit të Integritetit 2019-2022”, ku morën pjesë Ministri i Mbrojtjes zoti Rrustem Berisha, zëvendësministri Burim Ramadani, komandanti i FSK-së gjenerallejtënant Rrahman Rama, UD Sekretar i Përgjithshëm Faruk Geci, drejtori i NALT-it gjeneral Michael Oberneyer, ambasadori i Norvegjisë në Kosovë Per Strand Sjaastad,Svein Eriksen këshilltar i lartë i Qendrës së Integritetit në Sektorin e Mbrojtjes (CIDS) nga Ministria e Mbrojtjes së Norvegjisë, Shaip Havolli drejtor i Agjencisë Kundër Korrupsionit, anëtarë të Komisionit Parlamentar për Punë të Brendshme, Siguri dhe Mbikëqyrje të FSK-së, atashe ushtarak si dhe: gjeneral të FSK-së, oficerë dhe zyrtar të NALT-it, përfaqësues të shoqërisë civile, oficerë të FSK-së dhe zyrtarë të lartë të Ministrisë së Mbrojtjes dhe të ftuar të tjerë.
Në fjalën e hapjes së Konferencës Lansimi i Planit të Integritetit të Ministrisë së Mbrojtjes, Faruk Geci, U.D Sekretari i Përgjithshëm i Ministrisë së Mbrojtjes, duke folur për rëndësinë e këtij plani ndër të tjera theksoi: ”Një ndër mekanizmat e nevojshëm, krahas mekanizmave tjerë për funksionim dhe kontroll të brendshëm, padyshim ka qenë themelimi i mekanizmit për avancim të integritetit në institucionin tonë”.
Në konferencën e lansimit të Planit të Integritetit të Ministrisë së Mbrojtjes, duke folur në kontekst më të gjerë institucional dhe shtetëror ministri Rrustem Berisha ndër të tjera theksoi se: „Ky plan është derivat i politikave të Ministrisë së Mbrojtjes në funksion të fuqizimit dhe zhvillimi të mëtutjeshëm të institucionit tonë, konform misionit të ri.
Plani i Integritetit zë vend të rëndësishëm në kuadër të dokumenteve strategjike të Ministrisë së Mbrojtjes dhe është në përputhje me Strategjinë Kundër Korrupsionit në nivel të shtetit. Integriteti është një vlerë që duhet të mishërohet në punën tonë ditore. Integriteti ngërthen angazhimin individual dhe institucional në funksion të kryerjes së detyrave në përputhje me konceptin e sundimit të ligjit. Plani si i tillë parasheh masa konkrete në drejtim të përmirësimit dhe fuqizimit të segmenteve të rëndësishme në kuadër të Ministrisë së Mbrojtjes si dhe në nivel të Forcës.
Është e rëndësishme që realizimi i këtyre masave ta avancojë menaxhimin e burimeve njerëzore, prokurimit, financave, kontrollit të brendshëm dhe të aseteve”.
Ndërsa, ambasadori i Norvegjisë në Republikën e Kosovës, z. Per Strand Sjaastad, në fjalën e tij ndër të tjera veçoi: “Zbatimi i ligjit në rend të parë është detyrim, Kosova në vazhdimsi ka bërë përpjekje të mëdha për luftimin e kësaj dukurie, por ju sygjeroj që duhet organizuar plane strategjike më të shpeshta sikur kjo për luftimin e korrupcionit. Dihet edhe nga përvojat paraprake që luftimi i korrupcionit sjellë në vete edhe rreziqe, por kjo nuk do të thotë që duhet ndaluar së luftuari atë. Mbi këtë çështje, për luftimin e kësaj dukurie negative duhet punuar fuqishëm dhe bashkarisht“.
Po ashtu debatit me diskutimet e tyre i kontribuuan edhe Drejtori i Agjencisë Kundër Korrupsionit zoti Shaip Havolli dhe z. Svein Eriksen, këshilltar i lartë i Qendrës së Integritetit në Sektorin e Mbrojtjes (CIDS) nga Ministria e Mbrojtjes së Norvegjisë.
