Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Këmbëngulja e Ramush Haradinajt për të mos e hequr taksën 100 për qind ndaj mallrave serbe që shitën në Kosovë, si dhe qëndrim për mos prekjen e kufijve ka bërë që presioni ndërkombëtar të arrihet përmes Gjykatës Speciale, inkuizicionale kundër UÇK-së. Edhe pse Gjykata Ndërkombëtare e Hagës e kishte akuzuar dy herë dhe po dy herë e kishte shpallur të pafajshëm, Ramush Haradinajn, Gjykata Speciale kundër UÇK-së i ka aktivizuar sërish dosjen, me qëllim që të nënshtrohet sikur krerët e tjerë të Kosovës dhe t i bëjë aminin çdo kërkese që po e realizon Serbia përmes BE-së por edhe përmes miqve dhe partnerëve tanë tek të cilët betohemi e përbetohemi, ashtu si dukur gjyshërit tanë.
Ramush Haradinaj ftohet në Gjykatën Special si i dyshuar për krime lufte, pavarësisht se dy herë është shpallur i pafajshëm, sepse Gjykata Special është mbi Gjykatën e Hagës, është gjykatë sui generis e cila akuzon dhe dënon vetë pjesëtarë të Ushtrisë Çlirimtare të Kosovës dhe kurrsesi serbë që kanë kryer krime në Kosovë.
Opinioni mendjelehtë i krerëve të institucioneve tona, madje edhe i krerëve të shoqatave të veteranëve se Gjykata Speciale nuk i akuzon ata që janë shpallur të pafajshëm, ka bërë që kjo Gjykatë të merret jo seriozisht, madje duke krijuar iluzione se ajo po formohet kot sa për t i bërë qejfin Serbisë.
Dorëheqja e Ramush Haradinajt është akt i fortë moral e kombëtar, por kjo nuk do t’ i ndihmojë aspak në ballafaqim me gjykatën e inkuizicionit, sepse Evropa kurrë deri sot nuk ka ndarë as ndanë drejtësi për shqiptarët. E dimë fare mirë se ishte Amerika ajo që e futi në luftë NATO-n, sesa për Evropën sot të ishim të degdisur nëpër botë.
Sot duhet të ndihen krenarë, po aq sa Jusuf Buxhovi, Veton Surroi, kundërshtarët e luftës së UÇK-së edhe të gjithë ata deputetë që kanë votuar Gjykatën speciale kundër UÇK-së. Sot nuk e di si ndihen Kadri Veseli e Hashim Thaçi por një është e sigurte se sapo të shtrydhen edhe pak, i njëjti fat i pret edhe këta dy e shumë të tjerë.
Sot kundërshtarët e Ramush Haradinajt dhe luftës së UÇK-së në përgjithësi, po i fërkojnë duart me entuziazëm ashtu sikur Shesheli, Vuçiqi, Vulini e Daçiqi dhe të gjithë kriminelët e Serbisë të amnistuar nga Gjykata Speciale.
Lufta propagandistike kundër UÇK-së, po e bën të vetën, disomos lufta e ish mbetjeve të Serbisë në Kosovë, ndërsa idealistët e gjallë nga radhët e UÇK-së duhet të reflektojnë duke sjellë në kujtesë aktin e legjendarit, Adem Jashari dhe të gjithë dëshmorëve e martirëve të Kosovës. (RKL)
