Ministria e Bujqësisë investon në ndërtimin e kanalit të ujitjes në Junik

25/07/2019 Institucionet

Investimet e Ministrisë së Bujqësisë, Pylltarisë dhe Zhvillimit Rural në rehabilitimin dhe zgjerimin e sistemeve të ujitjes nëpër komuna po vazhdojnë të rriten nga viti në vit. Për realizimin e projektit që përfshin ndërtimin e një pende dhe kanali të ujitjes në Komunën e Junikut, MBPZHR-ja ka nënshkruar memorandum mirëkuptimi me këtë komunë. Me këtë rast, ministrja e MBPZhR-së, Dijana Zivic, ka treguar se këto investime në ndërtimin e kanaleve të ujitjes dhe zgjerimin e sistemeve ekzistuese do t’i vazhdojnë në të gjithë komunat e Kosovës në mënyrë që të përfshijnë sipërfaqe më të mëdha nën ujitje dhe kjo sipas saj do të jetë prioritet për ministrinë nga viti në vit. “Ujitja kontribuon në rritjen e rendimenteve dhe stabilizimin e prodhimit të bimëve. Avantazhi më i madh i sistemit të ujitjes është sigurimi i prodhimit të lartë dhe të cilësisë, pavarësisht nga kushtet klimatike të vitit, MBPZHR synon të vazhdojë investimet në sistemet e ujitjes, “ tha Zivic. Në anën tjetër, Agron Kuçi, kryetar i Komunës së Junikut, ka falënderuar ministren për mbështetjen e vazhdueshme të MBPZHR-së në përkrahjen e sektorit të bujqësisë në këtë komunë. Ai ka vlerësuar projektin duke thënë se investimet e tilla janë të domosdoshme për zhvillimin e bujqësisë në komunën e Junikut.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara