Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Kuvendit të Kosovës nga radhët e AAK-së Rasim Selmanaj është deklaruar për zhvillimet aktuale në skenën politike, pas dorëheqjes së Ramush Haradinajt nga funksioni i Kryeministrit. Ai, konsideron se vendi ka para vetës vetëm një rrugë dhe ajo është shkuarja në zgjedhje të parakohshme. Ai ka kërkuar që Presidenti Hashim Thaçi, sa më shpejtë të thërras në takim krerët e partive politike për të caktuar datën e zgjedhjeve. E me shkuarjen në zgjedhje, Selmanaj u shpreh se AAK është e gatshme për koalicione parazgjedhore me NISMA-n, partnerin e deri tanishëm dhe partitë tjera më të vogla, duke përjashtuar kështu PDK-në e Kadri Veselit. “Jemi në fazën kur mund të diskutohet për koalicione parazgjedhore ,ne jemi të hapur për koalicion parazgjedhor me Nismën dhe me partitë e tjera më të vogla por mbetet të shihet si do të zhvillohen më tej“, tha ai.
