Hapet panairi artizanal në Malishevë

01/08/2019 Institucionet

 

Në kuadër të shënimit të ditëve të mërgatës dhe në prag të fillimit të festivalit folklorik “Oda e Llapushës”, që fillon sot, në Malishevë është hapur edhe panairi artizanal, ku po prezantohen veshjet dhe ushqimet tradicionale shqiptare nga të gjitha trevat. Panairi artizanal, tashmë është tradicional në Malishevë dhe mbahet çdo vit më 1 dhe 2 gusht. Panairi ka për qëllim promovimin e vlerave të traditës shqiptare, si në veshje ashtu edhe në gatime, apo ruajtjen e perimeve (turshi), mjaltë dhe të tjera, e po ashtu në këtë panair po prezantohen edhe vendet turistike të Malishevës, përmes fletushkave të përgatitura nga OJQ-të lokale. “Në këtë panair, sidomos mërgimtarët dhe të rinjtë, kanë mundësi të njihen me traditat dhe trashëgiminë shqiptare, si në veshje, ashtu edhe në ushqime tradicionale shqiptare, në mënyrë që të kultivohet kultura jonë e lashtë shqiptare, me të cilën ne krenohemi”, tha Besa Kryeziu-Ramaj, drejtoreshë e Drejtorisë për Kulturë, Rini dhe Sport në Malishevë, me rastin e hapjes së panairit. Panairi do të qëndroj i hapur për dy ditë, aq sa edhe zgjatë festivali.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara