Ministri Gashi mori pjesë në hapjen e ekspozitës arkeologjike në Kalanë e Prizrenit

02/08/2019 Institucionet

 

Ministri i Kulturës, Rinisë dhe Sportit, Kujtim Gashi mori pjesë në hapjen e ekspozitës arkeologjike në Kalanë e Prizrenit. Me këtë rast, ministri Gashi tha se kjo ngjarje më tepër se kulturore, në të cilën po nis kjo ekspozitë në qytetin muze në Prizren, në epokën e globalizimit, ku përmes saj paraqitet trashëgimia dhe kujtesa jonë, pjesë përbërëse e identitetit tonë kulturor. Dëshmitë e paraqitura në ekspozitë janë dëshmi të emancipimit kulturor e shoqëror të qytetërimit tonë. “Kalaja e Prizrenit, është monumenti më i veçantë i trashëgimisë kulturore në Republikën e Kosovës, simbol i qytetit, pjesë e ndritshme e identitetit kulturor të Kosovës. Ministria e Kulturës ka mbi dhjetë vite që këtë monument të veçantë  e ka përfshirë në prioritetet e veta  dhe falë angazhimit të suksesshëm të stafit profesional të MKRS- së, Kalaja  është shndërruar në njërin prej atraksioneve të turizmit kulturor dhe të politikave kulturore në vendin tonë. “Kjo, sepse trashëgimia kulturore e historike është pasqyrë e vlerave dhe e nivelit kulturor të një populli, dhe se, përmes kujtesës historike, e njohim dhe e nderojmë të kaluarën, traditën, rrënjët, gjurmët, frymëmarrjet  tona nëpër shekuj” tha ministri Gashi. “Ky monument, falë përkushtimit të MKRS-së si dhe Fondit të Ambasadorit  Amerikan ka marrë një pamje tjetër, krejtësisht solemne, është  dhe mbetet Arkivi i Kosovës sidomos për epokën, historinë e periudhës mesjetare po ashtu Kalaja e Prizrenit është plotësuar edhe me një komponentë shumë të rëndësishme, pra Muzeun e Kalasë”. theksoi ministri Gashi. Tutje ministri tha se funksioni i këtij Muzeu është multidimensional, ku krahas ekspozitës së përhershme, në këto ambiente do të mund të organizohen aktivitete të ndryshme kulturore ndërkohë që, është krijuar ambienti i përshtatshëm edhe për stafin menaxhues të këtij aseti të trashëgimisë kulturore. “Ekspozita, të cilën po e përurojmë përmban thesarin më të mirë të trashëgimisë kulturore të Republikës së Kosovës ku paraqiten eksponate të cilat janë zbuluar kryesisht nga zona e Prizrenit dhe në Kalanë e Prizrenit. Në Kala janë zbuluar struktura të shumta arkitekturore, objekte të ndryshme qoftë enë, armë, stoli, monedha të shume epokave,” tha ministri. “Do të vazhdojmë, edhe më fuqishëm, ta përkrahim fushën e trashëgimisë kulturore, ndërkohë që ditë më parë prezantuam projektin ideor të rrugës “Marin Barleti” projekt i cili së shpejti do fillojë së zbatuari. Po ashtu, nën përkujdesjen e MKRS-së do të jenë edhe shumë projekte të tjera, të cilat kanë të bëjnë me monumente tjera, me ç’rast po ashtu, në një të ardhme shumë të afërt edhe ato do të shndërrohen në  monumente të veçanta të turizmit kulturor, trashëgimisë shpirtërore, të kujtesës tonë historike”, shtoi në fund ministri Gashi.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara