leoni

Asfaltohet një rrugë Llazicë dhe fillojnë punimet në hapjen e një rruge në Vërmicë

02/08/2019 Institucionet

 

Ka filluar asfaltimi i rrugës së gjatë 700 metra në fshatin Lalzicë, përkatësisht rruga e lagjes së Dobrunëve, e po ashtu ka filluar edhe hapja e një rruge të re në fshatin Vërmicë, të Komunës së Malishevës. Rruga në Vërmicë, është një rrugë e gjatë afër 600 metra e cila lidhë dy lagje të këtij fshati, përkatësisht lagjen e Kastratëve me lagjen e Ukajve. Asfaltimin e rrugës në Llazicë dhe hapjen e rrugës në Vërmicë, e kanë inspektuar nënkryetari i Komunës së Malishevës, Hajdin Berisha dhe drejtori komunal i urbanizmit, Islam Vrenezi, të cilët janë takuar edhe me banorët e këtyre vendbanimeve. “Këto investime janë në kuadër të realizimit të planifikimeve komunale dhe në kuadër të investimeve në infrastrukturën rrugore në vendbanimet e Komunës së Malishevës. Të dy këto rrugë kanë rëndësi të madhe për banorët, pasi shkurtojnë rrugët për lidhjet mes lagjeve dhe fshatit, si dhe krijon siguri në lëvizje, sidomos për nxënësit në të dy fshatrat”, tha nënkryetari Berisha, gjatë inspektimit të punimeve në Llazicë dhe Vërmicë. Drejtori i urbanizmit, Islam Vrenezi, ka bërë të ditur se rruga në Llazicë, ka gjatë prej 700 metrave, ndërsa rruga që lidhë dy lagjet në Vërmicë, është afër 600 metra, dhe në këtë të fundit, është duke u zgjeruar rruga, do të krijohet baza e nevojshme dhe në fund do të asfaltohet.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara