Kryetari Begaj priti në takim konsullin e Kosovës në Danimarkë, Arton Krasniqi

15/08/2019 Institucionet

Kryetari i Komunës së Malishevës, Ragip Begaj, ka pritur në një takim pune, konsullin e Republikës së Kosovës në Danimarkë, Arton Krasniqin. Ky takim kishte karakter pune, ku është biseduar për mundësinë e thellimit të bashkëpunimit në mes të Komunës së Malishevës, me komunat në shtetin e Danimarkës, bashkëpunim i cili ka filluar kohë më parë. Fillimisht kryetari i Komunës së Malishevës, Ragip Begaj, e ka falënderuar konsullin Krasniqi, për vizitën dhe për angazhimet e tij në krijimin dhe forcimin e kontakteve me komunat në Danimarkë, si dhe për lehtësirat e krijuara për sjelljen e një donacioni, në inventar shkollor, për shkollat e Komunës së Malishevës. Konsulli i Republikës së Kosovës në Danimarkë, Arton Krasniqi, ka shprehur gatishmërinë e tij për angazhim në thellimin e bashkëpunimit me komunat në Danimarkë, kontakte të cilat i ka filluar qysh herët dhe beson se shumë shpejtë do të bëhen edhe vizitat e ndërsjella në mes të komunave në vend dhe komunave në Danimarkë. “Komuna e Malishevës, ka filluar kohë më parë këtë bashkëpunim me komunën Lejre në Danimarkë, dhe ky bashkëpunim do të thellohet në ardhmen”, tha konsulli Krasniqi. Begaj e Krasniqi, biseduan edhe për mundësinë e zhvillimit të aktiviteteve tjera, sidomos me mërgimtarët tanë në Danimarkë, të cilët praktikisht e kanë mundësuar sjelljen e donacionit në inventar shkollor për shkollat e Malishevës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara