Rapperswil nga Zvicra forcon bashkëpunimin me Skenderajn

28/08/2019 Institucionet

 

Kryetari i Komunës së Skenderajt, Bekim Jashari, ka pritur në Kosovë kryetarin e Komunës Rapperswil-Jona të Zvicrës, Martin Stokling i shoqëruar edhe nga Hans-Jorg Goldener – menaxher i Kuvendit Komunal, Naim Zeqiri – këshilltar i kryetarit Stokling, Visar Rrecaj – konsull në Konsullatën në Cyrih dhe Akenbut Iballi – kryetar i OJQ “ProKosova” në Zvicër. Jashari ka njoftuar për vizitat e realizuara dhe qëllimin e këtij takimi në Skenderaj. “Një mirëseardhje miqësore dhe të ngrohtë për mikun tim, Martin Stokling – kryetar i Komunës Rapperswil-Jona të Zvicrës. “Gjatë vizitës në qytetin tonë, që nisi me homazhe te varri i Komandantit të Ushtrisë Çlirimtare të Kosovës, Adem Jashari në Prekaz, për të dëgjuar nga afër historinë e luftës së Jasharëve. Kemi vizituar më pas fabrikat në komunën tonë, si: Qumështoren “Drena”, “Vëllezërit Geci”, “Grunorin”, Shkollën Profesionale, Shërbimin e Zjarrfikësve dhe Shpëtimit dhe “Muli Shoes”, për t’u njohur për së afërmi me kapacitetin e këtyre fabrikave, numrin e punëtorëve, linjat e prodhimit, shitjen, kushtet dhe gjithçka tjetër që lidhet me punën e tyre ”, ka shkruar Jashari. Ky ka qenë takimi i dytë, pas vizitës së tij vitin e kaluar në Komunën Rapperswill-Jona, dhe e gjithë kjo po bëhet me qëllim të realizimit të mundësisë së bashkëpunimit nëpërmjet projekteve konkrete për qytetarët e komunës së Skenderajt.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara