Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i PDK-së, Kadri Veseli, ka reaguar ashpër kundër deklaratave provokuese e luftë-nxitëse ka bërë kryetari i Serbisë Aleksandër Vuçiq pas një incidenti që ndodhi në urën mbi lumin Ibër në Mitrovicë ku një i ri serb ka mbetur i lënduar. Veseli vlerëson se deklarata e Vuçiqit ka për synim cenimin e sigurisë së Kosovës dhe dëmtimin e stabilitetit rajonal, ndërsa i ka bërë thirrje Beogradit t’i ndalojë provokimet. Loja që Aleksandar Vuqiç po luan, për interesa të tij të ngushta dhe për konsum të brendshëm politik, është në dëm të të bashkëqytetarëve tanë serb të Kosovës. Deklarata e tij e sotshme ka për synim cënimin e sigurisë së Kosovës dhe dëmtimin e stabilitetit rajonal. Prandaj, i bëj thirrje Beogradit, që të heq dorë nga provokimet dhe të lërë bashkëqytetarët tanë serb rehat të lirë. Unë dënoj ashpër krimin ordiner të kryer sot dhe bëj thirrje ndaj organeve të zbatimit të ligjit që sa më shpejtë të zbardhin ngjarjen dhe të vendosin përpara drejtësisë përgjegjësit, është shprehur Veseli.
