Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Objekti i “Kooperativës Bujqësore Gratë e Krushës së Madhe” është përfshirë sot nga zjarri, duke shkaktuar kështu dëme të mëdha materiale. Dyshohet se zjarri është shkaktuar nga shpërthimi i disa gypave në kohën kur po bëhej konservimi i përpunimit të specit mësohet se fatmirësisht përveç dëmeve materiale nuk ka lëndime në njerëz. Përveç institucioneve relevante në vendin e ngjarjes kanë dalë edhe qytetarët të cilët kanë ndihmuar në fikjen e zjarrit. Shefi i Kabinetit të Kryetarit të komunës së Rahovecit Veli Gashi ka thënë se ekipi i komunës, Policia e Kosovës dhe drejtoria e emergjencave kanë dalë menjëherë në vendin e ngjarjes. Ai u zotua se institucionet komunale do të bëjnë të pamundurën për t’u dalë në ndihmë siç tha ai grave të Krushës të cilat me shumë mund e kanë krijuar këtë kooperativë. Kujtojmë se gratë kryefamiljare të Krushës së Madhe, nga paslufta kanë arritur të bëhen biznesmene të njohura në kultivimin, prodhimin dhe konservimin e perimeve. Prodhimet e tyre përveç tregut të brendshëm, kanë depërtuar edhe në vende të tjera të Evropës. Falë donacioneve të organizatave ndërkombëtare dhe atyre vendore, Fahrije Hoti kishte përfituar një objekt modern me kushte të mira për përpunimin dhe ruajtjen e produkteve.
