Pas 27 viteve, rivarroset në vendlindjen e tij Rifat Berisha

12/09/2019 Institucionet

Në fshatin Gurbardh të Komunës së Malishevës, është bërë rivarrimi i Rifat Berishës, i cili ishte zhdukur 27 vite më parë në Bosnje, gjatë luftës në atë vend. Pas kërkimeve të vazhdueshme të familjes, për 27 vite me radhë, janë gjetur eshtrat e tij dhe janë kthyer në vendlindje, ndërsa të enjten, është bërë rivarrimi i tij. Në ceremoninë e rivarrimit, krahas familjarëve, miqve dhe të afërmve të tjerë, morën pjesë edhe Kryetari i Komunës së Malishevës, Ragip Begaj, pastaj Prenk Gjetaj, nga Komisioni Qeveritar për të Pagjeturit, si dhe përfaqësues të subjekteve politike në Malishevë. Në fjalën e rastit, Kryetari i Komunës së Malishevës, Ragip Begaj, tha se “shqiptarët, me shekuj i ka përcjellë ky fat, që të zhduken në luftëra të ndryshme, ku shumë prej tyre, nuk janë gjetur asnjëherë, por Rifatin e ka thirr toka e vet dhe falë këmbëngulësisë së familjes, është gjetur dhe u kthye që eshtrat e tij të prehen në tokën ku ka lindur”. Ndërsa Prenk Gjetaj, në fjalën e tij, tha se “adresa e këtyre krimeve është Beogradi zyrtar, që nuk i tregon se ku është munduar ti fsheh gjurmët e krimeve të tyre, prandaj ftoj ndërkombëtarët që të ushtrojnë presionin e tyre, për zbardhjen e të gjitha rasteve të krimeve dhe ti tregojnë se ku i kanë varrosur të vrarët, duke u munduar që ti fshehin gjurmët e krimit”. Në Komunën e Malishevës, nga lufta e fundit, vazhdojnë të jenë edhe 38 persona të zhdukur.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara