Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Kosovës, Hashim Thaçi është pritur në takim nga guvernatorja e Tokios, Yuriko Koike. Thaçi fillimisht e ka falënderuar atë për mbështetjen që ajo, deputetë të Parlamentit dhe Qeveria japoneze i ka dhënë popullit të Kosovës në vitet më të vështira të luftës. “Jemi shumë mirënjohës që gjatë dhe menjëherë pas luftës ju personalisht keni ndihmuar refugjatët e Kosovës”, tha ai. Guvernatorja Koike ka kujtuar si ka organizuar dorëzimin e shtëpive që janë përdorur nga popullata japoneze pas tërmetit në Kobe në vitin 1995. Ajo ka thënë se ende mban në mend pamjet e luftës dhe të refugjatëve të Kosovës. Ndërkaq Thaçi ka theksuar se mbështetja në ditët më të vështira të luftës është bazament i fortë i bashkëpunimit strategjik ndërmjet Kosovës dhe Japonisë. Kreu i shtetit ka përgëzuar guvernatoren për përgatitjet që janë bërë në organizmin e Lojërave Olimpike më 2020, ku Kosova pritet të përfaqësohet nga shumë atletë. Ndërsa, Koike iu ka uruar atletëve kosovarë suksese në këto gara, sidomos xhudistëve kosovare.
