Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Çështja e njohjes së pavarësisë së Kosovës ka shkaktuar debate të mëdha në shtetin e Çekisë. Gjithçka nisi me deklaratat e kryetarit çek në Beograd, Milos Zeman, se Çekia do ta shqyrtojë mundësinë e tërheqjes së njohjes së Kosovës. Deklarata të tilla shkaktuan pakënaqësi të mëdha në Kosovë, dhe në një situatë të tillë, Prishtina zyrtare refuzoi të marrë pjesë në Samitin e Kryeministrave në Pragë. Në përkrahje të deklaratave të kryetarit Zeman, së fundmi ka dalë edhe Partia Komuniste në Çeki. Lideri i partisë Komuniste atje, Vojtech Filip ka thënë se përkrah deklaratat e Zeman. Sipas tij tërheqja e njohjes duhet të bëhet sepse në Ballkan kanë ndodhur luftëra që nuk janë aprovuar nga OKB, dhe se sipas tij bombardimi i Jugosllavisë ka qenë krim. Sidoqoftë, deklarata të tilla mund të mos kenë efekt në shtetin çek. Kryeministri i këtij shteti, dje para mediave në Pragë tha se Çekia nuk ka arsye të ndryshoj qëndrim rreth pavarësisë së Kosovës.
