leoni

Kryetari Haliti dhe Këshilli i Drejtorëve diskutojnë mbi finalizimin e buxhetit komunal për vitin në vijim

13/09/2019 Institucionet

Nën kryesimin e Kryetarit të Komunës së Vitisë, Sokol Haliti, Këshilli i Drejtorëve ka diskutuar për propozim buxhetin e komunës së Vitisë, për vitin 2020 i cili së shpejti pritet të shkoj për shqyrtim në Komitetin për Politikë dhe Financa dhe Kuvendin Komunal të Vitisë. Me këtë rast gjatë këtij takimi u bë me dije se Komuna e Vitisë, ka mbajtur edhe gjatë këtij viti diskutimet publike me qytetarë dhe grupet e interesit me qëllim që ata pos që të njoftohen me propozim buxhetin për vitin në vijim do të mund të paraqesin edhe nevojat e tyre për investime. Ibrahim Rama, Drejtor për Ekonomi, Financa dhe Zhvillim, ndër tjerash potencoi se pos diskutimeve publike që janë organizuar nga komuna, janë mbajtur diskutimet të tilla edhe me Institutin Demokratik të Kosovës (KDI) si dhe janë zhvilluar takime të rregullta me drejtorët e drejtorive për të marrë kërkesat e tyre dhe për ti inkorporuar ato në buxhetin e ardhshëm. Ndërkaq Kryetari i Komunës së Vitisë, Sokol Haliti potencoi se kjo komunë do të vazhdoj me disiplinë financiare edhe në buxhetin e vitit në vijim dhe kërkoj nga drejtorët që të parashtrojnë nevojat dhe kërkesat e tyre për investime para se buxheti të shkoj për shqyrtim dhe votim në Kuvendin Komunal të Vitisë. Ndërkaq sipas Propozim Buxhetit për vitin 2020 kjo komunë pritet të këtë një buxhet të përgjithshëm prej 12 milion e 305 mijë euro. Ky buxhet pritet të ndahet në këto kategori ekonomike: paga dhe shtesat 8.484.638€, mallrat dhe shërbime 1.631.703€, shpenzime komunale 279.000€, subvencione dhe transfere 250.000€, shpenzime kapitale 1.660.150€.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara