Ka filluar hapja dhe rregullimi i rrugës “Agim Çela” në Lladroc

16/09/2019 Institucionet

Në Lladroc të komunës së Malishevës, ka filluar rregullimi i rrugës “Agim Çela”, e gjatë afër një kilometër. Kjo rrugë pas hapjes dhe rregullimit të bazës, do të asfaltohet, duke ju mundësuar lidhjen e dhjetëra shtëpive të një lagjeje me rrugën kryesore, por edhe të lidhjes mes vet lagjes. Në fillimin e punimeve ishte i pranishëm edhe kryetari i Komunës së Malishevës, Ragip Begaj, i cili i ka uruar banorët. “Ju uroj për këtë rrugë, e cila natyrisht është e rëndësishme për juve si banorë dhe besoj që është një prej investimeve më të qëlluara”, tha kryetari Begaj. “Ne jemi duke punuar në realizimin e të gjitha projekteve të parapara për këtë vit, projekte të cilat lidhen direkt me mirëqenien e qytetarëve të Komunës së Malishevës, pa dallim”, ka thënë Kryetari i Komunës së Malishevës, Ragip Begaj. Edhe banorët e kanë falënderuar komunën për këtë investim, mjaft jetik për banorët, pasi rruga ka qenë tepër e nevojshme, për të gjithë. Përndryshe kjo rrugë është e gjatë 980 metra dhe lidhë dy pjesët e një lagjeje në Lladroc. Pas kësaj rruge, në Lladroc do të rregullohen edhe disa rrugë të tjera, brenda vitit 2019.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara