Kryetari Begaj, priti policët e rinj të stacionit policor në Malishevë

16/09/2019 Institucionet

Kryetari i Komunës së Malishevës, Ragip Begaj, ka pritur në një takim me karakter njoftues, policët e rinj, të gjeneratës së 54 të policisë, të cilët janë angazhuar në Stacionin e Policisë në Malishevë, e të cilët ishin të shoqëruar nga komandanti i stacionit, kapiteni Azem Krasniqi. Kryetari Begaj, pas prezantimit, i ka uruar policët e rinj, të cilët janë angazhuar të shërbejnë në Malishevë. “Është nderë dhe krenari ti shërbesh vendit tënd dhe më shumë se çdo kush tjetër, ju e keni këtë mundësi. Përpiquni ta kryeni detyrën tuaj me nderë, ashtu sikur kanë shërbyer kolegët tuaj deri më tani, në shërbim të vendit dhe në mbrojtje të ligjit. Policia e Kosovës, është institucioni më i besueshëm në vend, falë punës dhe përkushtimit të të gjithë zyrtarëve policor, prandaj ju duhet të jeni krenar që i shërbeni vendit”, ka thënë kryetari Begaj, gjatë urimit të tij për policët e rinj, të cilët tani e kanë marrë detyrën. “Ne së bashku me ju, jemi në shërbim të vendit dhe do të bashkëpunojmë në ruajtjen e sigurisë për të gjithë qytetarët e Komunës së Malishevës, tha në fund kryetari Begaj. Komandanti i stacionit policor në Malishevë, kapiten Azem Krasniqi, ka sqaruar se policët e rinj, janë pjesë e gjeneratës së 54 të policisë, ndërsa sa i përket angazhimit të tyre në stacionin në Malishevë, kapiten Krasniqi, deklaroi se “tanimë janë forcuar edhe më shumë dhe nga tani, edhe ofrimi i shërbimit, do të jetë në nivel edhe më lartë dhe do të jenë edhe më efektiv”.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara