Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Çështja e pavarësisë së Kosovës ka shkaktuar përçarje në skenën politike në Çeki. Mbrëmë, kryetari e kryeminsitri çek mbajtën një takim nga ku u fol edhe kjo çështje, dhe u mor vendim që tema e njohjes së pavarësisë së Kosovës të diskutohet në një takim koordinues të politikës së jashtme, shkruan lajmi.net. Mirëpo i menjëherëshëm ka qenë reagimi i ministrit të Jashtëm çek, Tomas Petriqek. Para gazetarëve, ai është kundërpërgjigjur duke thënë se Çekia nuk ka arsye që ta tërheq njohjen e Kosovës. “Nuk shoh ndonjë arsye që Çekia ta tërheq njohjen e Kosovës. Është e rëndësishme që politika e jashtme e Çekisë të jetë e vazhdueshme dhe e kuptueshme”, ka thënë ai para gazetarëve. Çështja e tërheqjes së njohjes së Kosovës u bë temë që nga vizita e fundit e presidentit çek në Beograd. Milos Zeman, nga takimi që pati me homologun e tij serb, Aleksander Vuçiq dërgoi mesazhe negative për shqiptarët, nga ku edhe paralajmëroi marrjen në konsideratë të tërheqjes së njohjes së Kosovës. Kundër këtij qëndrimi është rreshtuar fuqishëm ministria e Jashtme dhe kryeministri.
