Në Komunën e Rahovecit mbahet debat për zbatimin e rekomandimeve të Zyrës së Auditorit të Përgjithshëm

20/09/2019 Institucionet

Në sallën e Kuvendit Komunal të Rahovecit, është mbajtur debat për zbatimin e rekomandimeve të Zyrës së Auditorit të Përgjithshëm të organizuar nga Rrjeti Ballkanik për Gazetari Hulumtuese (BIRN), të mbështetur nga ambasada e Britanisë së Madhe në Prishtinë. Të pranishëm në debat ishin drejtorët e drejtorive komunale, përfaqësues të OJQ-ve që veprojnë në komunën e Rahovecit dhe përfaqësues i OSBE-së. Prezantimin e  projektit dhe gjetjeve të analizës i bëri Visar Prebreza nga BIRN-i, duke thënë se gjatë katër viteve është bërë monitorimi dhe analizuar raportet e Auditimit për Komunën e Rahovecit. Në fillim të debatit, kryetari Latifi i ka falënderuar zyrtarët e BIRN-it dhe zyrtarët e Zyrës së Auditorit Përgjithshëm për bashkëpunimin e treguar gjatë gjithë kohës dhe u ka ofruar bashkëpunim edhe më tutje. “Pas pranimit të raportit të Zyrës së Auditorit të Përgjithshëm për vitin 2018, ne e kemi përgatitur planin komunal të veprimit për zbatimin e rekomandimeve dhe se deri në fund të vitit, ne do të punojmë që të zbatohen në tërësi të gjitha rekomandimet. Punë e madhe është bërë pasi ka hy në funksion prokurimi Online dhe se kjo edhe e ka bërë lehtësimin e të mëdhave. Dokumente tjera që kanë të bëjnë me transparencë dhe llogaridhënie janë duke u publikuar në vazhdimësi nga zyrtarët përkatës”, ka thënë kryetari Latifi. “Punë e madhe është bërë edhe në regjistrimin e pasurisë komunale, kjo është bërë për herë të parë gjatë vitit 2018 dhe se në vazhdimësi është dhënë si rekomandim nga Zyra e Auditorit të Përgjithshme”, ka thënë ndër të tjera kryetari Latifi.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara