Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Partisë Demokratike dhe i opozitës jashtë parlamentare, Lulzim Basha, pas vendimit të mbrëmshëm të Bundestag-ut, lidhur me hapjen e negociatave për Shqipërinë, është shprehur i gatshëm të ulet në tryezën e bisedimeve me kryeministrin, Edi Rama. Për rreth 8 muaj, Lulzim Basha e ka kushtëzuar dialogun me largimin e Ramës nga posti i kryeministrit, mirëpo pas vendimit të Bundestagut gjerman tani vendos një tjetër kusht: dialog me praninë e ndërkombëtarëve. Të enjten në mbrëmje ai deklaroi: “Unë dhe PD jemi dakort për një proces politik të propozuar nga faktori ndërkombëtar që të japim kontributin tonë për daljen nga kriza. Pak rëndësi ka ulja në një tryezë me apo pa Edi Ramën, thotë Basha i cili ka ndërprerë edhe protestat e dhunshme. Edhe zonja Kryemadhi ka hequr dorë nga protestat e dhunshme dhe nga kushtëzimi i bisedimeve pa praninë e Edi Ramës. Servilizmi dhe frika e opozitës ndaj të huajve, e solli në binarë fillimin e shtendosjes së krizës politike në Shqipëri.