Limaj dhe Shala përmbushin premtimin e para dy viteve, kompletojnë infrastrukturën e zonës ekonomike në Suharekë

27/09/2019 Institucionet

Zëvendëskryeministri i Kosovës, Fatmir Limaj bashkë me ministrin e Tregtisë dhe Industrisë, Endrit Shala kanë përuruar asfaltimin e Zonës Ekonomike në Suharekë, që është kompletimi i infrastrukturës dhe i funksionalizimit të kësaj zone. Zëvendëskryeministri Limaj ka thënë se ky është një premtim i para dy viteve që përmbushet. Limaj ka thënë se bizneseve të Suharekës po iu krijohen kushte për ta ushtruar veprimtarinë dhe njëkohësisht kjo zonë po bëhet bosht i punësimit dhe zhvillimit. “Është e disata herë që e vizitoj këtë park të Suharekës dhe kam dhënë premtim se do ta ndihmoj dhe do ta mbështes këtë park për kompletimin e infrastrukturës dhe se para dy viteve e kemi dhënë një premtim se do ta kompletojmë të gjithë infrastrukturën që iu duhet kompanive këtu. Këtu janë mbi 70 biznese, ndërmarrje të vogla të mesme dhe dalëngadalë po kthehen në bosht të punësimit dhe zhvillimit ekonomik të Suharekës. Shteti e ka për obligim që t’iu krijojë infrastrukturë fizike në mënyrë që bizneset të fokusohet për investime në teknologji dhe në rritje të punësimit”, ka thënë Limaj. Ndërsa ministri i Tregtisë dhe Industrisë, Endrit Shala ka thënë  se kjo zonë  ekonomike për dhjetë vjet ishte harruar nga dora e shtetit. Ministri ka thënë se përfundimi i zonës ekomomike mundëson zhvillimin dhe rritjen e bizneseve. “Unë sot bashkë me zv/kryeministrin Limaj jemi në vizitë në këtë zonë ekonomike, që për dhjetë vjet ka qenë e harruar nga dora e shtetit dhe premtimi i zv/kryeministrin Limaj është realizuar. Kjo zonë ekonomike është funksionale me të gjithë infrastrukturën përcjellëse që ta kenë më të lehtë bizneset të operojnë. Jemi në një zonë ekonomike që i ka 160 hektarë në dispozicion për bizneset e Suharekës dhe janë investuar 2.6 milionë nga Ministria e Tregtisë dhe Industrisë. Tashmë kjo zonë është funksionale për operim dhe njëkohësisht ashtu siç e kam thënë jemi duke investuar edhe në 3 zona tjera ekonomike, që bizneseve t’iu krijojmë kushte”, ka thënë ministri Shala.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara