Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidati për kryeministër i Lëvizës Vetëvendosje, Albin Kurti, ka shpjeguar programin e tij para qytetarëve të Gjilanit. Ai ka thënë se varfërisë, pabarazisë dhe padrejtësisë po u vjen dita e fundit. “Për punëtorin do të ketë ligj pune, 5-fishim të inspektoriatit, gjykatë të punës e fuqizim të sindikatave, për ndërmarrësit do të ketë bankë zhvillimore me këste të ulëta në periudha të gjata e gjykata komerciale dhe për ndërmarrjet publike e shoqërore do të kemi fondin sovran”, ka thënë Kurti. Sipas tij, kurrë më nuk do të këtë pushtet që sillet si pronar i republikës dhe popullin e vet e ndan si argat e armiq. “Më së shumti duhet t’u shërbejmë atyre që kanë nevojat më të mëdha”, ka deklaruar Kurti. Ai ka thënë se në qeverisjen e tij qytetarët nuk do të ndihen të vetmuar e të mangët, por të bashkuar e të zotët e këtij vendi. Kurse kandidatët e kësaj lëvizje për deputetë nga Gjilani, Alban Hyseni e Arbëreshë Kryeziu, Labinota Demi e Shemsi Syla, folën në lagjen Arbëria për nevojën e një faze mobilizimi final drejt fitores së 6 tetorit.
