Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Lëvizjes Vetëvendosje, ish inspektori i SHP të UÇK-së, Rexhep Selimi ka përsëritur fjalët e thëna në seancën e Kuvendit, në të cilën Thaçi u zgjodh kryetar. Duke sqaruar më tej fjalën e tij para Kuvendit, Selimi ka shtuar se “Familja Jashari është emblemë e UÇK-së. Nuk është dashur të merrej me shqetësim nëse i them dikujt të dua për kryetar aq sa të do familja Jashari. I thash se Drenica nuk të mbron kur e ke keq. Më shumë Drenicë se familja Jashari nuk ka. Andaj i thash të dua aq sa familja Jashari për president. Mandej i thash jo si Adem Jashari. E dimë se jo rrallëherë pas vdekjes së Ademit, këta njerëz donin ta privatizonin luftën e Adem Jasharit, ndërsa me të nuk kishin komunikuar nga viti 1992, 1993, ka thënë Selimi. Ata kanë bërë përpjekje të më përçajnë mua me Adem Jasharin, por kurrë s’kanë arritur. Janë përpjekur të përçajnë njerëz, dhe jo rrallëherë kanë provuar ta lënë të izoluar familjen Jashari në Drenicë. Thaçi nuk e ka takuar kurrë Ademin që nga viti 1992. As që kanë folur. Nuk janë takuar as kur ka qenë bashkë të dy në Kosovë. E di se nuk janë takuar kurrë. Unë jam ndarë me Adem Jasharin një ditë para se të sulmohej. Selimi ka komentuar edhe deklaratat e Gani Gecit, ndonëse ka thënë se nuk e merr seriozisht atë. “Ai është vrasës i së paku dy vrasjeve që i ka pranuar”, ka thënë Selimi.
