Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Liderët e grupeve më të mëdha politike në Parlamentin Evropian dënuan njëzëri shtyrjen e vendimit të Bashkimit Evropian për të ndërmarrë hapa të rinj në procesin e pranimit të vendeve të Ballkanit Perëndimor. “Ka paqëndrueshmëri në Ballkan dhe ne kemi qenë në gjendje të sjellim një dozë stabiliteti sepse kjo është përgjegjësia jonë,” ka deklaruar kryetari i grupit të Partisë Popullore Evropiane, Manfred Weber. Gjatë debatit në Parlamentin Evropian, ai vlerësoi se Shqipëria dhe as Maqedonia Veriore nuk kishin marrë perspektivën që meritonin. “Ne kemi kërkuar shumë për këto vende, dhe tani dyert e tyre janë të mbyllura. Ne po humbasim besueshmërinë, dhe kjo është serioze,” tha Weber. Ai tregoi faktin se të gjithë liderët që vinin nga Partia Popullore konservatore Evropiane në samitin e Brukselit mbështesin zgjerimin, dhe se kryetari Francez Emmanuel Macron dhe Kryeministri Holandez, Mark Rurte, të cilët i përkasin opsionit liberal, ishin “vetëm kundër të gjithëve”. Garcia Perez tha para Socialdemokratëve Evropian se zgjerimi mund të sjellë vetëm “jetë të re” në BE.
