Shtimi i numrit të aksidenteve, shqetësuese për Institucionet komunale në Viti dhe policinë

24/10/2019 Institucionet

Kohët e fundit, në komunën e Vitisë janë shtuar rastet e aksidenteve në trafik. Sipas raportit të policisë, brenda muajve të fundit, kanë ndodhur 6 aksidente në këtë komunë që kanë rezultuar me 7 të vdekur, ndërkohë që numri i të lënduarve është tejet i madh. Ky është një shqetësim edhe i qytetarëve, por edhe Institucioneve komunale. Me qëllim të parandalimit të aksidenteve në komunikacion, kryetari i komunës së Vitisë Sokol Haliti, ka ftuar një takim me mekanizmat e sigurisë dhe drejtoritë komunale, që kanë të bëjnë me komunikacionin dhe shërbimet publike. Në këtë takim të kryetarit Haliti me komandantin e policisë në Viti Afrim Halilin dhe drejtorin e Shërbimeve Publike Nexhmedin Jakupi e atë të Inspektoratit Skender Ahmeti, u shqyrtuan mundësit e intervenimit në infrastrukturën rrugore me sinjalistikë që tërheq vëmendjen e ngasësve, apo edhe të rregullimit të ishujve rrugor, në disa udhëkryqe që konsiderohen me rrezik për këmbësorët dhe në përgjithësi qytetarët. Si vende që u identifikuan me rrezikshmëri më të lartë ishin udhëkryqet: në rrugën për Beguncë, udhëkryqi tek rruga për Pozheran, pastaj udhëkryqi tek pompa e derivateve Alidemaj në Viti, udhëkryqi në Ramnishtë, si dhe udhëkryqi i rrugës Remnik-Nasal. Ata u pajtuan që të merren masa sa më shpejtë në këto vende, por edhe vende të tjera që konsiderohen si të rrezikshme, e të cilat do ti paraqesë kryetari Haliti në instanca më të larta. Po ashtu, u shqyrtuan edhe mundësit për vendosjen e barrierave nëpër disa zona që mund të ndikojnë në ngadalësimin e shpejtësisë, sidomos në vendbanime apo afër institucioneve shkollore.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara