KK i Malishevës, shqyrtoi dy raporte të drejtorive komunale

31/10/2019 Institucionet

Kuvendi i Komunës së Malishevës, ka mbajtur mbledhjen e dhjetë të rregullt për këtë vit, ku në mesin e shumë pikave të rendit të ditës, ishin edhe shqyrtimi i raporteve të drejtorive komunale, përkatësisht janë shqyrtuar raportet e Drejtorisë për Buxhet dhe Financa dhe ai Drejtorisë për Arsim dhe Edukim. Në këtë mbledhje, KK i Malishevës, gjithashtu ka rishqyrtuar katër vendime të saj, dhe i ka obliguar drejtoritë përkatëse, që ato vendime ti harmonizojnë me ligjet apo rregulloret në fuqi, përkatësisht me Planin Zhvillimore Komunal. Po ashtu në këtë mbledhje, Kuvendi i Komunës së Malishevës, ka miratuar emrat e anëtarëve të Komisionit Komunal për hartimin e Rregullores për Transparencë, si dhe ka bërë zëvendësimin e një anëtari të komisionit për shqyrtimin e ankesave për emërtimet e rrugëve, si dhe i ka miratuar katër kërkesa të qytetarëve për ndërrim destinim të tokës. Mbledhja e sotme ka filluar me zëvendësimin e anëtarit të KK të Malishevës, nga radhët e PDK-së, Ali Morina, i cili ka dhënë dorëheqje pas punësimit në një sektor që ja pamundëson të qenit anëtarë i kuvendit. Morina është zëvendësuar nga Kushtrim Zogaj, i cili ka dhënë betimin e anëtarit të kuvendit dhe i cili nga sot edhe zyrtarisht është anëtar në KK të Malishevës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara