Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas Ambasadës në Tiranë, morëm konfirmimin se në prill 2020 do të hapet edhe Ambasada e Japonisë në Prishtinë”, deklaron kryetari i grupit parlamentar të PS-së, Taulant Balla pas takimeve të zhvilluara me zyrtarë të lartë në Japoni. Kryeparlamentari Gramoz Ruçi dhe kreu i Grupit parlamentar të Partisë Socialiste, Balla zhvilluan një vizitë zyrtare në Japoni. Gjatë takimit me Kryetarin e Parlamentit të Japonisë, Tadamori Oshima, u konstatua se marrëdhëniet midis dy vendeve janë aktualisht shumë të mira. Ka një interes të shtuar për forcimin e marrëdhënieve politike dhe intensifikimin e shkëmbimit të vizitave të niveleve të larta. Balla thekson se Japonia e ka njohur shtetin e Kosovës, por besojmë në mbështetjen e saj për anëtarësimin e Kosovës në organizatat ndërkombëtare. Gjithashtu, ai shprehet se Japonia është financuese e rëndësishme e disa projekteve të mëdha zhvillimi në Shqipëri, me rreth 380 milionë dollarë investime, në formë grantesh, bashkëpunim ekonomik, kredi të buta etj.
