Fshati Krushë e Madhe do të bëhet me çerdhe  për fëmijë

01/11/2019 Institucionet

Në fshatin Krushë e Madhe të komunës së Rahovecit u vendos gurthemeli i çerdhes së fëmijëve. Në vënien e gurthemelit mori pjesë kryetari i Komunës së Rahovecit, Smajl Latifi, Nënkryetari, Fatmir Iska, drejtor të Drejtorive Komunale, zyrtar komunal, prindër dhe banorë të fshatit Krushë e Madhe. Vendosjen e këtij gurthemeli e bëri Kryetari i Komunës së Rahovecit, Smjal Latifi, Drejtori i Drejtorisë së Arsimit, Avni Morina dhe Drejtori i Drejtorisë për Bujqësi, Pylltari dhe Zhvillim Rural, Berat Duraku. “I përgëzoj dhe i uroj të gjithë qytetarët e Krushës së Madhe dhe fshatrave përreth për këtë objekt me rëndësi të veçantë, ku do të përfitojnë përkrahjen më të rëndësishme për fëmijët e tyre dhe ne të gjithë bashkë për qytetarët tanë. Edukimi është e drejtë themelore për fëmijët, kurse për mua dhe qeverisjen time është prioritet i lartë.”, ka thënë kryetari Latifi. U bë e ditur se ndërtimi i çerdhes në fshatin Krushë e Madhe  kapë shumën prej 294,290.60€, investim ky i komunës së Rahovecit.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara