Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Vëllezërit, Nexhat dhe Fadil Demaku i kanë drejtuar një letër publike, ambasadorit të Shteteve të Bashkuara të Amerikës në vendin tonë, Philip Kosnett nëpërmjet së cilës e kanë njoftuar për procesin e padrejtë gjyqësor ndaj tyre dhe moszbatimin e vendimit të Gjykatës Kushtetuese nga Gjykata Supreme pasi kjo e fundit i është nënshkruar presionit ndërkombëtar për të dënuar me çdo kusht të dënuarit në rastin Drenica 2. Se ky proces ishte krijuar për qëllime politike e kishte pranuar edhe kryetari i Asamblesë së Gjyqtarëve të EULEX-it, Malcom Simons, në një intervistë të dhënë për “Le Monde”, edhe në publikimin e emailjave të tij zyrtar dërguar menaxhmentit të EULEX në Bruksel ku kishte paralajmëruar se Procesi Drenica 2 nuk është një proces i rregullt gjyqësor dhe se qëllimi ishte që me çdo kusht të sigurohet dënimi për të mbuluar dështimet e EULEX dhe për të vazhduar mandatin, thuhet në mes tjerash në letrën e hapur të vëllezërve Demaku, drejtuar ambasadorit të Shteteve të Bashkuara të Amerikës në vendin tonë, Philip Kosnett.
