Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Dy vjet të qeverisjes së Ministrit të Arsimit, Shyqyri Bytyçi me shtatë zëvendës-ministra e dhjetëra këshilltarë, janë vite që kanë thelluar degradimin e arsimit, po thuajse në të gjitha segmentet. I pafuqishëm ndaj veprimeve agresive të SBASHK-ut, ku u detyra t’ia plotësojë të gjitha kërkesat, i pa autoritet si ndaj vartësve ashtu edhe ndaj zyrtarëve më të lartë, i dështuar në zëvendësimin e tri javëve mësim të humbur nga grevat agresive dhe anti arsimore të SBASHK-ut, i përulur dhe i tërhequr nga protestat e studentëve, ky ministër do të mbahet mend për shumëçka, por për asnjë mëritë, punë apo angazhim serioz. Kohëve të fundit ai ka nisur luftë me shkresa edhe me rektorin e Universitetit të Ferizajt, Agron Bajraktari, i cili ndërhyrjen e ministrit që pritet të largohet së shpejti nga posti, e quan kërcënim dhe ndërhyrje në pavarësinë e Universitetit. Përmes kësaj letre që mban datën 14 nëntor, ministri e ka kritikuar ashpër rektorin Bajraktari përse u është kërkuar CV-ja 3 anëtarëve që ai i ka emëruar më 10 shtator në Këshillin Drejtues të këtij universiteti.
