Mbahet mbledhja e gjashtë e KKSB-së në Rahovec, situata e sigurisë e qetë dhe stabile

20/11/2019 Institucionet

Është mbajtur mbledhja e gjashtë e rregullt e Këshillit Komunal për Siguri në Bashkësi (KKSB), në Komunën e Rahovecit, të cilën e ka kryesuar kryetari Smajl Latifi. Në këtë mbledhje u tha se gjendja e sigurisë është e qetë, stabile dhe e qëndrueshme në gjithë territorin e komunës së Rahovecit. Kryetari Latifi, në hapje të mbledhjes informoi anëtaret dhe monitoruesit e KKSB-së siç janë OSCE-së dhe LMT-së se në Rahovec se, sipas zyrtarëve përgjegjës për sigurinë, në gjithë territorin e komunës situata është e qetë, stabile dhe e qëndrueshme. “Nëse anëtarët e KKSB-së, me drejtohen me kërkesë që të ju revokohet leja e punës për lokalet që gjatë natës e prishin rendin dhe qetësinë publike, do të bëjë një gjë të tillë dhe krejt kjo do të bëhet, duke u bazuar në ligjet që janë në fuqi. Në të ardhmen do të rritet roli i anëtarëve të KKSB-së, në mënyrë që ndikohet në rritjen e sigurisë publike në komunën e Rahovecit. Ju njoftoj se si institucione komunal jemi të përgatitur për sezonin dimëror, pasi që komuna ka kontratë me operator ekonomik, që do të bëjë mirëmbajtjen e rrugëve gjatë këtij sezoni dimëror”, është shprehur kryetari Latifi. Fazli Morina, komandant i Stacionit të Policisë në Rahovec, e ka paraqitur situatën e sigurisë për muajt Shtator-Tetor 2019, duke thënë se situata e sigurie në përgjithësi është e qetë dhe stabile, por që ka kërkuar bashkëpunim me të madhe me qytetarët. “Situata e sigurisë në territorin e Komunës së Rahovecit për periudhën kohore dy mujore Shtator-Tetor 2019, ka qenë e qetë dhe stabile, gjatë kësaj kohe janë regjistruar gjithsejtë: 100 raste, prej tyre 81 vepra penale, 19 incidente të ndryshme. Nga këto mund të veçojmë disa vepra të rënda: Lëndime të rënda 2 raste, vjedhje 14 raste, vjedhje të rënda 11 raste dhe 7 raste janë dhunë në familje. Policia e Kosovës, në vazhdimësi është përkushtuar lidhur me sigurinë në shkolla, lidhur me këtë është implementuar Plani Operativ në vazhdimësi  “Siguria në Shkolla”, duke patrulluar në afërsi të objekteve të shkollave me automjete zyrtare, duke angazhuar zyrtar në rroba civile, mbahen takime dhe kontakte të vazhdueshme me drejtorët dhe zyrtarët tjerë të shkollave përkatëse”, ka thënë ndër të tjera në raportin e tij komandanti Morina. Në fund të mbledhjes është aprovuar Plani i Punës së Këshillit Komunal për Siguri në Bashkësi për vitin 2020, në kuadër të këtij plani janë paraparë të mbahen gjashtë mbledhje.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara