U mbajt mbledhja e njëmbëdhjetë  e rregullt e Kuvendit Komunal të Rahovecit

27/11/2019 Institucionet

Kryesuar nga kryesuesi i kuvendit Afrim Dina, është mbajtur mbledhja e njëmbëdhjetë e rregullt e kuvendit komunal të Rahovecit. Në mbledhje kanë marrë  pjesë kryetari i komunës Smajl Latifi, anëtarët e kuvendit komunal, drejtorët e drejtorive komunale, Sead Raba përfaqësues i OSBE-së dhe përfaqësuesit e LMT-së në Rahovec. Në fillim të mbledhjes është mbajtur 1 minutë heshtje në nderim të viktimave të shkaktuara nga tërmetin në Republikën e Shqipërisë. Gjatë mbledhjes nga anëtarët e kuvendit janë marrë këto vendime: Vendimi për nismën e Bashkëpunimit Ndërkomunal Ndërkombëtar, mes Komunës së Rahovecit dhe Bashkisë së Vlorës, Vendimi i Kryetarit të Komunës rreth shërbimeve të varrimit për vitin 2020 dhe Vendimi për transfer (harmonizim) të mjeteve nga kategoria e pagave dhe mëditjeve në buxhetin e vitit 2019. Gjithashtu në këtë mbledhje janë aprovuar katër plane: Plani Lokal i Veprimit për përfshirjen e Komuniteteve Rom, Ashkali dhe Egjiptian në Komunën e Rahovecit për vitin 2019-2021, Plani Komunal për Integrimin e Qëndrueshëm të Personave të riatdhesuar në Komunën e Rahovecit për vitin 2019- 2022 dhe Plani Komunal i Veprimit për të Zhvendosurit dhe zgjidhjen e qëndrueshme për vitin 2019-2021.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara