leoni

Kryetari Latifi: Përjetësisht do të jetojë 28 Nëntori

29/11/2019 Institucionet

Kryetari i komunës së Rahovecit Smajl Latifi, në postimin e tij në facebook me rastin e festës së 28 nëntorit ka shkruar: “Atdhedashurisë nuk ka gjë që mund t’i rezistoj, kështu ajo si për mrekulli, mund çdo gjë edhe me një forcë sado të vogël”. Më 28 nëntor, në Ditën e Flamurit tonë kombëtar e të Pavarësisë, ditëlindjen e UÇK-së dhe të komandantit legjendar Adem Jashari, së bashku me bashkëpunëtorë, kryetarë të këshillave të fshatrave, veteranë të UÇK-së dhe me shumë qytetarë, filluam ditën me homazhe nëpër vend-rëniet dhe komplekset përkujtimore në Rahovec dhe rrethinë, aty ku pushojnë dëshmorët e martirët e lirisë. Nga Skënderbeu e deri tek Adem Jashari, shqiptarët është dashur të sakrifikojnë edhe jetën për liri, kurse sot, kur jemi të lirë, na mbetet që heronjtë dhe dëshmorët tanë t’i kemi frymëzim të pashtershëm dhe të përmbushim idealin dhe qëllimin e tyre. Ndoshta ky nuk është nëntori më i mirë për ty Atdhe, por prej zemrës uroj: E paçim dritë secilën ditë të rritës tënde, e pritshim së bashku ditë më të mira!

Përjetësisht do të jetojë 28 Nëntori!

Lavdi të rënëve ndër breza për lirinë e atdheut! Ka shkruar në postimin e tij në facebook kryetari Latifi.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara