Malisheva ndezë qirinj në nderim të viktimave të tërmetit në Shqipëri

29/11/2019 Institucionet

Nënkryetari i Komunës së Malishevës, Hajdin Berisha dhe shumë qytetarë të Malishevës, në shenje nderim dhe  përkujtimi për bashkëkombësit tanë, në Shqipëri që humbën jetën nga tërmeti, ndezën qirinj. Ndezja e qirinjve, filloi me një minutë heshtje për të gjitha viktimave që pësuan nga tërmeti. Më pas, nënkryetari, Berisha, në fjalën e rasti, në mes tjerash tha: “Nderimi dhe përkujtimi për bashkëkombësit tanë në Shqipëri që humbën jetën nga tërmeti, është  ndjenjë e përbashkët me institucionet shqiptare, me institucionet e bashkive e komunave, me qytetarët e veçmas me familjarët  që humbën më të afërmit dhe më të dashurit e vet, duke vazhduar para qytetarëve malishevas, se sonte, ju dhe institucionet e komunës  tuaj, dëshmuat se jeni të organizuar dhe një si vëllezërit për vëllezërit, të një gjaku, të një gjuhe, të një flamuri dhe të një shteti, jo vetëm me dhimbjen, por edhe me humanizmin e treguar qytetarë, për vëllezërit dhe motrat tuaja në shtetin amë- Shqipërinë”, përfundoi, Berisha. Në ndezjen e qirinjve, morën pjesë, zëvendësministra, në detyrë,  Vesel Krasniqi e  Arbëresha Krasniqi, këshilltarë komunal, qytetarë, nxënës dhe fëmijë, të cilët shprehën dhembjen për ata që humbën jetën, por edhe lutjet që sa më parë të shërohen të lënduarit nga tërmeti dhe të gjinden ata që ende janë nën rrënoja.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara