Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama mbajti një mbledhje të jashtëzakonshme që i parapriu takimit të Këshillit të Sigurisë Kombëtare. Ai lëshoi një paralajmërim serioz për të gjithë ndërtuesit e pallateve e të cilat janë dëmtuar gjatë tërmeteve që lëkundën Shqipërinë më 26 nëntor, duke kërkuar nga ndërtuesit që të marrin përsipër riparimin dhe dëmet materiale që u janë shkaktuar njerëzve. Rama tha se janë duke punuar dhe së shpejti do të konkludojnë kuadrin e ri ligjor dhe penal për abuzimet në ndërtim. “Dua të bëj një apel për të gjithë ata që kanë ndërtuar godina kolektive dhe sot hyjnë te godinat e dëmtuara por jo të rrezikshme që të paraqiten vetë urgjentisht në zyrën përkatëse të drejtuesit të plotfuqishëm për emergjencën apo zyrën e shtabit të emergjencës në Durrës dhe të bëjnë deklaratën e gatishmërisë për t’i paguar një më një vetë godinat, të gjitha riparimet nga ato sipërfaqësore deri te dëmet materiale që i janë shkaktuar njerëzve”, tha Edi Rama.
