Deputetët gjerman, Peter Beyer dhe Christian Schmidt kërkojnë që Kosova të këtë qeveri stabile dhe të mos ketë lojëra

Peter Beyer dhe Christian Schmidt, deputetë gjerman të CDU-së po vizitojnë sot Kosovën ku janë takuar me zyrtarë të Vetëvendosjes dhe LDK-së në përpjekje për ndihmesën në arritjen e marrëveshjes për koalicion qeverisës. Schmidt, para mediave ka thënë se është shumë e rëndësishme që Kosova të ketë një qeveri stabile, dhe të mos ketë lojëra. Sipas tij, nuk ka edhe shumë kohë për arritjen e marrëveshjes, por se ai është optimist se me dialog mund të arrihet një gjë e tillë. Ai ka thënë se për të gjitha çështjet që Kosova mendon se janë për të mirën e saj, Gjermania do të jetë mbështetëse e madhe. Sipas tij, Kosova ka rëndësi të madhe në Ballkan, për integrimin e regjionit në BE. Ndërkaq, Peter Beyer tha se është shumë e rëndësishme që liderët politikë të kuptojnë përgjegjësinë që kanë për formimin e institucioneve të reja të vendit. Ai tha se ata nuk janë duke intervenuar apo interferuar në koalicionin, por se janë duke përquar mesazhe dhe këshilla.