Në 100 vjetorin e masakrës së Grubardhit, u përuruan varrezat e 22 martirëve

20/12/2019 Institucionet

Në njëqind vjetorin e masakrës së Gurbardhit, ku u vranë 22 civil, në këtë fshat, janë përuruar varrezat e rregulluara të kësaj masakre. Në ceremoninë e përurimit të varrezave të rregulluara, mori pjesë edhe Kryetari i Komunës së Malishevës, Ragip Begaj i shoqëruar nga përgjegjës të drejtorive komunale, nxënës të shkollës dhe qytetarë të shumtë të Gurbadhit. “Rregullimin dhe mirëmbajtjen e këtyre varrezave e kemi obligim, sepse këto varreza janë dëshmia më e mirë e krimeve të bëra mbi popullatën shqiptare. Këto masakra, si e Gurbadhit, dëshmojnë përpjekjet e okupatorëve sllav, për zhdukjen e popullit shqiptarë, pasi vrasjet ishin masive, pothuajse në çdo vendbanim, por ne kemi mbijetuar, sepse zoti deshi që ne të mbijetojnë dhe luftuam për mbijetesë, sepse ky është vendi ynë dhe kjo është toka jonë”, tha mes tjerash, kryetari i Komunës së Malishevës, Ragip Begaj, në fjalën e rastit. Në emër t ë familjarëve, të pranishmit i ka përshëndetur Haxhi Berisha, nga Gurbardhi, i cili e ka falënderuar komunën për rregullimin e varrezave të 22 martirëve të fshatit Gurbardh, të cilët, u vranë në pranverë të vitit 1919. 100 vite më parë, forcat e ushtrisë çetnike serbo-malazeze, vranë 22 civil të fshatit Gurbardh, i cili në atë kohë numëronte më pak se 40 familje. Të vrarët e kësaj masakre, banorët i kanë varrosur në një hapësirë të veçantë, me qëllim të kujtimit të kësaj masakre. Përurimi i varrezave të kësaj masakre, ishte planifikuar të përuroheshin më 28 Nëntor, por për shkak të situatës së krijuar pas tërmetit në Shqipëri, është anuluar ky aktivitet.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara